وزیر اعلی خیبر پختونخواہ کا ایسا اعلان جس نے غیر ملکیوں میں خوشی کی لہر دوڑا دی

وزیراعلیٰ خیبرپختونخوا محمود خان کی وادی کاغان مانسہرہ آمد، شوگران میں سیاحتی مقامات تک سڑکوں کی تعمیر کے تین مختلف منصوبوں کا افتتاح کر دیا۔ 

ان سڑکوں میں شوگران، گھنول پابرنگ اور مانور ویلی روڈز شامل ہیں. ان سڑکوں کی مجموعی لمبائی 35 کلو میٹر ہے۔ 

"سیاحتی مقامات تک سڑکوں کی تعمیر سے علاقے میں سیاحت کو فروغ ملے گا، مقامی لوگوں کو روزگار کے مواقع میسر آئیں گے. صوبائی حکومت وزیراعظم عمران کے وژن کے مطابق سیاحت کے فروغ کے لیے مربوط حکمت عملی کے تحت اقدامات اٹھا رہی ہے. نئے بجٹ میں ہزارہ کے مختلف سیاحتی مقامات تک سڑکوں کی تعمیر کے لئے 2400 ملین روپے کی رقم مختص کی گئی ہے، کائیٹ پراجیکٹ کے تحت سیاحتی مقامات کے لیے 370 کلومیٹر روڈ انفراسٹرکچر تیار کیا جا ریا ہے. کورونا کی مشکل صورتحال کے باوجود صوبے میں ترقی کا سفر جاری رکھیں گے، ہزارہ ڈویژن میں سیاحت کو فروغ دے کر علاقے کی تقدیر بدل دیں گے. صوبے میں سیاحت کے فروغ کے لئے ٹوارزم اتھارٹی کا قیام عمل میں لایا گیا ہے،نئے ٹورازم زونز قائم کئے جا رہے ہیں. کورونا صورتحال سے دیگر شعبوں کی طرح  سیاحت کا شعبہ بھی بری طرح متاثر ہوا ہے، سیاحت کے شعبے کو کھولنے کے لئے ایس او پیز تیار کئے گئے ہیں. 

عید الاضحی کے بعد وفاق اور دیگر صوبوں کی مشاورت سے سیاحت کے شعبے کو کھولنے پر کام کر رہے ہیں. کورونا وبا کی وجہ سے صوبائی حکومت کو 53 ارب روپے کان بجٹ خسارہ ہوا. 

بی آر ٹی، مالم جبہ سکائی ریزورٹ، بلین ٹری، سوات موٹروے وے صوبائی حکومت کے فلیگ شپ منصوبے ہیں، صوبائی حکومت کے تمام منصوبے ہر قسم کی کرپشن سے پاک ہیں، ہم متعلقہ تحقیقاتی اداروں کو ان منصوبوں کی تحقیقات کی دعوت دیتے ہیں. پن بجلی، صنعت،  معدنیات اور سیاحت کا فروع صوبائی حکومت کی اولین ترجیحات ہیں"،  وزیراعلیٰ خیبرپختونخوا محمود خان